Во тетовска Мала Речица ноќеска две млади лица се повредени на свадба поради пукање од огнено оружје. Едно од момчињата е синот на пратеникот од ДУИ, Џеват Адеми.
Според првичните информации еден од повредените е потешко ранет и однесен на клиниките во Скопје, додека вториот е вон животна опасност и задржан на лекување во тетовската Клиничка болница.
За случајот е известена и полицијата. Извршен и увид на местото каде била свадбата каде се користело огнено оружје.
Првично медиумите објавија дека Адеми бил тој што пукал на свадбата, меѓутоа потоа за порталот Лајм пратеникот и семејството демантираа дека тој пукал, но ја потврдија информацијата дека е ранет синот.
