Тренерот на Атлетико Мадрид, Диего Симеоне, го пофали Реал Мадрид пред утрешниот дерби на Сантијаго Бернабеу.
– Реал Мадрид го има најдобар тим во светот. Тие формираа извонреден состав, подобар од ПСЖ, Манчестер Сити, Барселона,…рече Ел Чоло на денешната прес-конференција.
Секогаш мислам на победа. Можеби сум преголем ентузијаст, премногу оптимист, но секој живее својот живот онака како што сака. Не мислам на ништо освен како да се доближам до Барселона, додаде аргентинскиот стручњак.
На прашањето кој е поважен за својот тим, Кристијано Роналдо или Антоан Грисман, Симеоне одговори: Тие се двете клучни фигури за своите тимови. Не е тешко да се види. Кристијано е одлучувачка фигура, Гризгман е исто така важен за нас поради головите, неговата игра.
Дербито на Мадрид е закажано за утре во 16:15 часот.
ФОТО: EPA/YOAN VALAT
