Сегашното име на државата нема иднина и ќе го сменам, порача од митингот од Охрид кандидатката за претседател поддржана од ВМРО-ДПМНЕ, Гордана Сиљановска Давкова на вечерашниот митинг во Охрид, од каде ја почна кампањата.
– Велеа нулта корупција, а имаме хибриден режим. Имаме едногласно комунистичко Собрание, кривосудството, реваншизам и селективна правда. Единствената реформа е Преспанскиот договор и промената на името. Јас не сум против договори, но во договорите има две страни. Нашиот Устав вели дека меѓународните договори ги склучува претседателот. Заборавија дека министерот за надоворешни не е овластен да потпишува промена на името. Треба да победиме на овие избори и да отвориме пат за предвремени парламентарни избори. Не велам дека ако ме изберете веднаш ќе го сменам името, тоа е невозможно – рече Силјановска.
Таа рече дека ќе дојде одговорен парламент, што ќе ја почитува опозицијата и државнички ќе се однесува кон најважните прашања, ќе дојде на нов состав на Уставен суд што ќе го брани Уставот со знаење ама и со морал.
– Тогаш ние еден ден со една уставна промена важна ќе го заштитиме името со клаузула за непроменливост. Нивната филозофија е кажувам, заборавам, негирам. Нашата филозофија ќе биде и е: кажувам, помнам, почитувам – рече Силјановска Давкова на првиот митинг во Охрид.
