ВМРО-ДПМНЕ ги утврди носителите и кандидатите за пратеници на претстојните парламентарни избори кои ќе се одржат на 12 април. Меѓу носителите на листите не е лидерот на партијата Христијан Мицкоски кој претходно најави дека ќе биде шпицен кандидат за мандатар.
Носител на изборната листа на ВМРО-ДПМНЕ во Првата изборна единица е професорката и кандидат за претседател на државата Гордана Силјановска Давкова. „Двојката“ ќе ја предводи потпретседателот на ВМРО-ДПМНЕ, Владо Мисајловски.
Во третата изборна единица носител е генералниот секретар Игор Јанушев.
Носител во „четворката“ е потпретседателот на партијата, Александар Николовски.
„Петката“ ќе ја предводи оперскиот пеач Игор Дурловски.
Дафина Стојановска, досегашна пратеничка на ВМРО-ДПМНЕ ќе биде носител на листата во Шестата изборната единица.
По Силјановска, втор во „единицата“ е Тимчо Мицунски, потоа докторот Синиша Стојановски, Бети Стаменковска Трајковска….
Во „двојката“ по Мисајловски е Рашела Мизрахи.
Во Петата изборна единица по Дурловски на листата е Антонио Милошоски.
