Eден и пол месец откако славниот готвач Џејми Оливер (44) банкротираше поради долгот од 80 милиони евра и затвори 21 ресторан во негова сопственост, се огласи и неговата сопруга Џулс Оливер (44).
Таа во интервјуто за магазинот „Ред“ ја искоментирала целата ситуација, но и ги открила плановите за идната година.
– Сите сме скршени и ни треба одмор. Сè што некогаш сум сакала беа децата и семејниот живот. Тоа сум јас – рекла сопругата на Џејми Оливер.
Џулс била покрај Џејми цело време додека тој ја градел деловната империја, а покрај одредените индикации дека бизнисот на шефот на кујната не функционирал баш најдобро, на банкротот никој не се надевал.
Без работа останале околу 1.300 работници, а за тоа биле известени само половина час пред банкротот.
Џејми и неговата сопруга се венчале во 2000 година во Велика Британија, а од бракот имаат пет деца.
Двојката на 24 јуни прослави 19 години од бракот, а Џулс на својот сопруг му честитала на Инстаграм.
Меѓутоа, таа открила и што планира да направи идната година кога таа и Џејми би прославиле 20 години од брак.
– Идната година ќе прославиме 20 години од брак, и ќе се венчаме повторно, но тоа ќе го направиме на поинаков начин – на отворено и боси – ги открила плановите Џулс.
