Автобус на ЈСП утрово се запалил на улицата Христо Татарчев во Кисела Вода, во близина на последната постојка на автобуската линија со број 24.
Од Противпожарната единица информираат дека нема повредени патници, сите на време го напуштиле автобусот.
Не е настаната ниту голема материјална штета. Изгореле околу два квадратни метри, а проценките за штетата се дека таа е околу 30.000 денари.
За гаснење на пожарот интервенирале три противпожарни возила и осум пожарникари.
