Засега истрагата е проширена само на Катица Јанева и за неа е побаран притвор, рече обвинителката Вилма Русковска.
– Се работи за кривично правен настан и не треба да се политизира. Нема ниту една индиција дека незаконски прибавените средства завршиле кај домашни или странски политичари – изјави денеска на прес конференцијата републичкиот јавен обвинител Љубомир Јовевски.
На прашање каде се парите Јовевски рече:
– Тоа е сензуално прашање и повеќе детали во овој момент не можам да дадам.
Русковска нагласи дека нема барање за претрес на домови на политичиари, а ако има не е од нив и не е поврзано со случајот „Рекет“. Таа рече дека од СЈО се одзема компјутерот на Јанева.
Според Јовевски, Јанева се стекнала со имотна корист од 298.000 денари во мебел.
