Актерката и пејачка, но и модна дизајнерја Џесика Симпсон (39) ги откри потресните детали од својот живот воочи објавувањето на нејзината автобиографија „Отворена книга“. По првпат, таа проговорила за сексуална злоупотреба во детството, а се осврнала и на депресијата и проблемите со алкохолот и таблетите.
„Порано се убивав со алкохол и таблети“, напиша Џесика, која ја испила последна чаша жесток пијалак во ноември 2017 година. Оттогаш е трезна, тврди таа.
– Откажувањето од алкохолот беше лесно. Бев бесна на „него“ и како тоа шише ми овозможуваше да останам празан и бесчувствителна – објаснила Џесика, актерка која со години беше на врвот на листата на најсексапилните жени.
Најтешкиот дел, признава, била терапијата. Како што одминуваше времето, таа работела сè повеќе на себе. И токму тоа работење ѝ овозможило да ги оживее сите трауми што ги потиснала многу одамна.
– Злоставувањето започна кога имав шест години. Јас делев креветот со ќерката на семеен пријател. Сè започна со галење по мојот грб, а потоа ќе се случи нешто што беше многу срамно – откри Џесика, додавајќи дека мислела дека таа е виновна за злоставувањето што го трпела.
– Сакав да им кажам на родителите. Бев жртва, но се чувствував виновна – рекла Џесика.
Неколку години подовна, Џесика со родителите отишла на патувањe. Во еден момент мајка ѝ го удрила по рамото татко ѝ и му се развикала: „Ти реков дека нешто се случило.“
– Татко ми само продолжи да гледа во патот и ништо не рече. Никогаш повеќе не отидовме кај тие пријатели, односно кај таткото и мајката на мојата пријателка која ме напаствуваше. Исто така, никогаш повеќе со родителите не разговарав за тоа – признала Џесика Симпсом.
