Прв македонски календар со фотографии на пожарникари – спасители на Скопската противпожарна бригада ќе биде промовиран вечерва во 20 часот во скопскиот бар – ресторан „Колектив“.
Календарот содржи 13 колор фотографии на пожарникари – спасители од сите четири чети на противпожарната бригада, а фотографиите се снимени во самата бригада, при што се прикажани и дел од возниот парк и личната заштитна опрема на пожарникарите. Организатор на проектот е пожарникарот Михаил Караколев, автор на календарот е фотографот Димитар Апостолов, а за кастингот се погрижи Ненад Келебиќ.
