Времето во земјата ќе биде сончево со мала до умерена локална облачност. Само во западните делови попладне ќе има услови за локална појава на краткотраен дожд со ретки грмежи. Ќе дува слаб до умерен ветер од североисточен правец.
Утринската температура ќе се спушти помеѓу 11 и 19, а дневната ќе достигне од 24 до 37 степени.
УВ-индексот ќе изнесува 7.
Во Скопје, сончево со мала до умерена локална облачност и со слаб ветер од северен правец. Утринската температура ќе се спушти до 17, а дневната ќе се искачи до 35 степени.
Од четврток следува период на сончево и топло време со мала до умерена облачност, слаб до умерен североисточен ветер и благ пад на температурите, прогнозираат од УХМР.
