Сценаристи на денешниот инцидент во затворот се Христијан Мицкоски и Никола Груевски. Мицкоски и Груевски очајно се обидуваат преку нови насилнички сценарија да ја дефокусираат јавноста од водечката улога на врвот на ВМРО-ДПМНЕ, како осoмничен организатор за насилствата на крвавиот 27-ми април, изјави вечерва Костадин Костадинов, портпарол на СДСМ и пратеник.
Тој рече дека „медиуми и интернет портали блиски до ВМРО-ДПМНЕ, денеска синхронизирано пласираа голем број неточни, лажни вести и шпекулации како дел од ова сценарио“.
– Однесувањето на антизападниот Мицкоски и неговиот театар во болницата 8-ми септември е само уште една потврда за тоа. Особено, имајќи предвид дека лицето М.Ј воопшто немало никакви повреди, што е потврдено со прегледот.
СДСМ најостро осудува било какво насилство и во таа насока го осудува инцидентот во затворот Шутка. Нема толеранција за било какво насилство.
Благодарение на брзата и професионална реакција на институциите не успеа денешната провокација, смисленото сценарио на Мицкоски и Груевски.
Очекуваме сите надлежни институции до крај да го расчистат овој инцидент.
Нема да им дозволиме на Мицкоски и Груевски да ја втурнат Северна Македонија во нови кризи и тензии и да ја загрозат иднината на нашата татковина и сигурноста на граѓаните.
Насилството ќе се санкционира, а Мицкоски нема да успее, одговорност за нарачателите и реализаторите на крвавиот 27 април мора да има, нагласи Костадинов.
