Директорот на Домот „Томе Стефановски Сениќ“, Лулзим Џемаили, денеска преку соопштение ги демантира обвинувањата на ВМРО-ДПМНЕ дека во објектот сѐ уште не е приклучено снабдувањето со електрична енергија.
– Сакам само транспарентно да се информира јавноста дека на Домот „Томе Стефановски Сениќ“ на 22.05.2019 во 14 часот му беше прекинато снабдувањето со електрична енергија заради неплатен долг. Приклучени бевме вчера на ден 25.05.2019 во 19 часот. Демантирам информации дека во Домот уште не е приклучено снабдувањето со електрична енергија, стои во реакцијата од Џамаили.
За сите дополнителни прашања тој најавува средба со медиумите утре во просториите на Домот во 11 часот.
