– Не одигравме како што треба, особено не во првото полувреме. Нешто подобри бевме во вториот дел. Точно дека и условите за игра не беа добри, но единствено што е добро по нас на овој меч е резултатот – изјави италијанскиот фудбалски стручњак.
Челзи со триумфот кај БАТЕ Борисов, по четири рунди во Лига Европа го обезбеди пласманот во следната фаза.
Сари го пофали стрелецот на голот Оливие Жиру, кој погоди по речиси 800 минути и се запиша во листата на стрелците.
– Работеше напорно и среќен сум што успеа да реализира. Тоа е важно за неговата самодоверба, а значајно е и за нас како тим – додаде Сари.
