Македонската кошаркарска репрезентација на 23 февруари гостува во Перм каде ќе го одигра вториот натпревар од квалификациите за Европското првенство 2021. Домаќините очекуваат голема поддршка од трибините.
– Очекуваме полна сала за дуелот со Северна Македонија во Перм. Веќе трета година сме домаќини на националниот тим. Нашата репрезентација победи во претходните двапати, дај боже и овој пат да биде така. Градот живее за кошарката – изјави министерот за физичка култура и спорт на територијата на Перм, Владимир Епанов.
Средбата ќе се одржи во салата УДС „Хамер“ која е со капацитет од 7.000 гледачи.
