Македонската пејачка Елена Ристеска и нејзиниот шминкер Даниел Николовски се најдоа на Инстаграм профилот на брендот за козметика на Ријана – „Fenty Beauty“. Пред 8 милиони следбеници и двајцата беа опсипени со комплименти и пофални зборови.
„Кога ќе те прашаат како твојата кожа изгледа толку добро“, беше натписот со кој пејачката им ја претстави Елена Ристеска на нејзините осум милиони следбеници, нашминкана со производите на компанијата на Ријана.
Покрај природната убавина која ја поседува Елена, совршениот изглед го добила под вештите раце на мејк-ап артистот Даниел Николовски, кој ја објавил фотографијата на неговиот профил на Инстаграм.
Козметичката компанија „Fenty Beauty“ Ријана ја лансираше во 2017 година, а за кратко време стана една од најпопуларните во светот.
ФОТО: Инстаграм/Принтскрин
