Петнаесеттина преспанци вечерва во Ресен присуствуваа на втората размена на книги што ја организираше фејсбук групата „Размена на книги и книжевни муабети“.
Присутните, како што истакна Стефани Табаковска, иницијатор за размена на книги во Ресен, најпрво имаа можност да се запознаат меѓу себе, какви книги читаат, кои им се омилени наслови и што читаат во моментот.
– Интересот беше поголем од очекуваното. Бев позитивно изненадена. Во Ресен, како што посочија присутните, се чита и тоа од сите жанрови од фантастика до религиозна литература, оцени Табаковска
На денешната средба беа разменети околу 50-тина наслови, односно секој од присутните носеше по три до пет книги.
