До внатрешната контрола на МВР во изминатите дваесетина дена стигнала претставка од пратеничката и сè уште потпретседателка на Собранието Фросина Ременски, која исто така е осомничена во случајот Рекет за активностите на Меѓународниот сојуз.
Ременски се жалела за постапувањето на полицајците кои по налог на обвинителсвото вршеле претрес во нејзиниот дом, јавува Телма ТВ.
Во домот на Ременски, како што беше објавено пред неколку дена, обвинителството вршело претрес и пронашло доверливи документи.
Подоцна оваа информација ја потврдија и од Обвинителството.
– При претрес на домот на осомниченото лице се пронајдени документи и за нив се известени институциите од каде што документите потекнуваат и кои се надлежни за преземање на понатамошна постапка. Документите што ги наведувате во вашето прашање не се пронајдени при претресот – одговорија оттаму.
