Генералниот секретар на Владата, Драги Рашковски, преку Фејсбук и порача на ВМРО-ДПМНЕ дека тој го диктира темпото, односно дека во вторник ќе одржи прес конференција за аудио снимката која ја објавија некои портали.
Одговорот на Рашковски следи откако ВМРО-ДПМНЕ обвинија декатој во снимката договара аванта од 7 милиони евра.
– ВМРО ДПМНЕ најверојатно не може да сфати дека не се тие кои ја определуваат динамиката на нашето дејствување. Кога веќе покажаа дека не разбираат англиски и не знаат што значи Letter of award, нека читаат дека уште завчера на македонски јазик е напишано дека во вторник ќе има прес конференција на оваа тема.
Претходно на прес-конференција Иванка Василевска од ВМРО-ДПМНЕ повторно зборуваше за наводниот сомнителен тендер за набавка на систем за летање преку М-НАВ.
Докази и сомненија кои посочуваат за постоење на 7 милионската тендерска аванта за владиниот генерален секретар Драги Рашковски доаѓаат од секој чекор, рече таа.
– Ако авантата од 7 милиони која чувме од медиумите дека Рашковски ја договара не е точна зошто тогаш чекорите кои Рашковски ги договара по кои италијанската фирма го добила тендерот се вистинити. Зошто на снимката на Рашковски се договараат кои заклучоци ќе се донесат и доколку се провери дали навистина се донеле, вистината е поразителна за оваа криминална власт – посочи Василевска и додаде дека Рашковски на снимката договара заклучок кој владата навистина го донела за што, како што рече, има потврда во официјални документи.
