Фронтменот на групата „Црвена јабука“, Дражен Жериќ, се соочува со тужби од двајца поранешни членови на бендот – тапанарот Дарко Јелчиќ и гитаристот Златко Бебек.
Причина за тужбите се неисплатените хонорари од десетина концерти, пишува Слободна Далмација.
– Вистина е дека започнавме судски процес против фирмата „МПБ Медиа“ поради неисплатените хонорари. Тоа е сè што можам да ви кажам во моментов – изјавил гитаристот Бебек, алудирајќи на фирмата која гласи на име на Барбара Жериќ, сопруга на Дражен Жериќ, преку која се одвивале исплатите.
