Прострелна рана на десната потколица добила 53-годишна скопјанка вчера на улица Руди Чаевац во Скопје, откако ја погодил куршум испукан од разбојници кои ограбиле кривопаланчанец.
Полицијата соопшти дека двајцата разбојници со моторцикл и вооружени со пиштол го пречекале М.С.(49) од Крива Паланка, кога тој излегувал од зграда и со закана му одзеле 10.000 евра. Додека бегале од местото еден од разбојниците истрелал еден куршум и ја повредил П.О.Д.(53) од Скопје која случајно минувала по улицата.
Повредената со возило на Итна медицинска помош била пренесена во комплекс клиники „Мајка Тереза” каде што и била констатирана прострелна рана во пределот на десната надколеница.
Извршен е увид на местото на настанот и се преземаат мерки за пронаоѓање на сторителите
