Претседателот на Русија, Владимир Путин на рускиот национален тим ја честиташе победата над Шпанија во натпреварот од осминафиналето Светското првенство (1:1, 4:3 на пенали).
Шефот на државата го следеше натпреварот и два пати го повика главниот тренер Станислав Черчесов.
– Пред почетокот на натпреварот, претседател се јави на тренерот, и му посака успех во претстојниот натпревар, а исто така, истакна дека под раководство на Черчесов нашите момци направија невозможно – ја поминаа групата. Тоа им дава можност да играат слободно во полна сила, покажувајќи ги сите нивни таленти – го цитира Интерфакс Дмитиј Песков, портпарол на претседателот.
Веднаш по завршувањето на натпреварот, Путин повторно го побарал селекторот и му честитал нему и на целиот тим за импресивната победа, потенцирајќи дека неговата тактика даде резултат.
Русија во четвртфиналето ќе се сретне со победникот од дуелот Хрватска – Данска.
