Свадбата на Серхио Рамос и Пилар Рубио минатата недела, која многумина ја нарекоа свадба на годината, но гламурозна забава на која имаше околу петстотини гости, имаше темна страна. Срамота, ако е вистина она што се зборуваше во телевизиската емисија „Салваме“ на шпанската телевизија.
Имено, организаторите на свадбата кон персоналот се однесувале како кон робови, а информацијата на новинарите им беше потврдена од страна на една жена чиј идентитет, веројатно, ќе остане непознат за јавноста.
Причината за тоа е договорот кој била принудена да го потпише со организаторите, во кој се наведува дека ќе биде казнета со стотици илјади евра ако открие какви било детали од свадбата.
– Се однесуваа кон мене како кон куче, а имаше и понижувачки моменти. Сите нѐ натераа да се соблечеме во ист шатор, и мажите и жените, па така голи се чувствувавме засрамени едни пред други. Поминавме многу часови работејќи без храна и пијалаци, а првиот оброк го добивме околу три наутро. Ни ги дадоа остатоците од храната за гостите – вели жената, која работела за 10 евра на час.
Работничката одби да ги обвини Рамос и Рубио и додаде дека таа се сомнева дека младоженецот и невестата би дозволеле такви работи само ако знаеле што се случува зад кулисите.
„Никогаш не сум работелa во такви ужасни услови”, додала на крајот незадоволната работничка, со акцент дека еден од супервизорите за протоколот бил особено груб.
Новинарите на емисијата „Салваме“ дојдоа до договорот потпишан од сите работници, кој предвидува казни во случај на истекување на доверливи информации.
