Во градскиот парк во Скопје, кај „Школка“ во 11 ќе започне големата прослава „Боите на независноста“ по повод најголемиот државен празник во земјата, 8-ми Септември – Денот на независноста, информираат од Владата.
– На настанот ќе се презентираат различни активности, сервисни информации, услуги кои граѓаните можат да ги добијат од институциите, показни вежби, традиционална храна, спорт и др. Во 12 часот ќе се интонира Химната на Република Северна Македонија по што ќе следи и обраќање на претседателот на Владата на Република Северна Македонија, Зоран Заев. На настанот со своја музичка програма ќе настапат: 5+ Бенд, Денсерс јунајтед, Виолета Томовска, Ај Кју, Елита Зибери и диџеј Драган Б. Костиќ – стои во соопштението.
