Пронајдени се родителите на заборавените деца кои синоќа биле оставени во заклучено возило во населбата Аеродром. Како што дознава Плусинфо, веднаш откако биле пронајдени децата, била повикана екипа на Брза помош која интервенирала и дехидрираните деца, братче и сестриче, ги транспортирале на Клиниката за детски болести, каде им била укажана итна здравствена услуга.
Од МВР потврдија дека синоќа околу 21,50 часот во СВР Скопје било пријавено дека на паркинг простор на булевар ,,Видое Смилевски Бато’’ во паркирано патничко моторно возило ,,алфа’’ со скопски регистарски ознаки се наоѓале две деца кои биле заклучени.
Од страна на полициските службеници веднаш е интервенирано и децата се извадени од возилото и со возило на итна медицинска помош се пренесени во комплексот клиники,, Мајка Тереза’’.
По преземени мерки од полициските службеници пронајдени се Т.Т.(44) и М.Н.(35), родители на децата. Известен е јавен обвинител и се работи на расчистување на случајот.
