Првиот Куп на Македонија за сценски изведувачи ќе се одржи на 7. март во Националната опера и балет, а ќе биде посветен на сценските уметности: глума, пеење, танц, уметничка гимнастика, акробатика, жонглирање, илузионизам.
Досега најпрестижниот уметнички шампионат кој ги отвора вратите кон светските театарски и фестивалски сцени е дел од светската иницијатива „Metodo Pass“ која го застапува терминот – сценски изведувач и е присутна помеѓу најголемите европски нации кои се натпреваруваат на своите национални првенства.
Учесниците на првиот Куп на Македонија, од сите уметнички дисциплини, со возраст над 6 години, ќе се натпреваруваат соло, во дуо, во помали состави од 3 до 5 натпреварувачи или поголеми ансамбли со неограничен број на изведувачи. Сите перформанси ќе бидат дел од официјалниот YouTube канал на Metodo Pass.
Натпреварувачите ќе се борат за многу вредни награди, интернационални стипендии и медали (злато, сребро и бронза), а финалистите ќе ја претставуваат својата нација на големото Европско финале кое ќе се одржи од 7 до 12 април, годинава, во Рим, Италија, на сцената на најголемото филмско студио во Европа Cinecitta World.
Таму пак, нашите најталентирани уметници ќе бидат во трка за: стипендии за Бродвеј Musical Academy во Њујорк, стипендии за Лондон, Ница и ширум Италија, многу музички договори, договори за вработување, учество во интернационални ТВ шоуа и многу други несекојдневни награди и прилики.
Бидете дел од најуникатниот уметнички хепенинг кај нас и трасирајте го патот на вашата кариера кон светските сцени.
Информации и пријавување на тел: 075 323 352 и 070 366 926, на e-mail адресата: metodopassmacedonia@gmail.com или на fb: Metodo Pass – Macedonian Cup
