Мерка притвор за прво и второосомничените за несреќата кај Ласкарци, односно за Дурмиш Белули, сопственикот на „Дурмо Турс” и раководителот вработен во неговата фирма, одреди судија на претходна постапка.
За третоосомничениот, кој е еден од одговорните лица во компанијата е изречена мерка куќен притвор. За другите осомничени се очекуваат одлуките во следните неколку часа.
Обвинителството бараше и притвор за возачот на црвениот автобус. Скопското обвинителство покрена истрага против седум лица како одговорни за катастрофалната несреќа во која загинаа 15 патници.
