ВМРО-ДПМНЕ треба да се охрабри, да се одважи и да учествува на претседателските избори, иако најверојатно ќе изгуби, изјави Артан Груби пратеникот на ДУИ за најавата од ВМРО-ДПМНЕ за можен бојкот на изборот за шеф на државата.
Според него, до крајот на месецов треба да се сретнат претседателите на ДУИ и на СДСМ Али Ахмети и Зоран Заев и да го договорат кандидатот за претседател на државата.
– Во текот на овој месец, откако ќе завршат одморите, Ахмети ќе седне со Заев да разговараат околу претседателските избори. Нашите убедувања се слични и лесно можеме да постигнеме договор за да имаме заеднички кандидат кој најдобро ќе ги претставува граѓаните и ќе ја претставува реално кохезивноста на општеството – изјави Груби.
За барањето на ВМРО-ДПМНЕ за предвремени парламентарни избори, Груби рече дека е против.
-Граѓаните не заслужуваат да бидат постојано во изборни циклуси – рече тој.
