Вооружена престрелка околу 1 часот ноќеска имало на улицата Рузвелтова во Скопје.
Според неофицијалните информации, едно лице е убиено, а две се борат за живот. Учесниците во престрелката биле во возила, од кои едното џип. Тие се движеле по Рузелтова во правец од Партизанска кон Зоолошката градина, од каде што и почнало пукањето кое завршило во близина на крстоцницата на Рузвелтова со улицата Орце Николов.
Од полицијата засега нема официјални потврди, но на терен се присутни полициски екипи кои вршат увид, а на местото на настанот можеа да се забележат и екипи на Итната медицинска помош кои ги пренеле застреланите во болница.
ФОТО: Архива
