Ендометриозата е често нарушување кое погодува околу 176 милиони жени ширум светот, во репродуктивниот период од животот.
Постојат многу нејаснотии во врска со оваа состојба. Ендометриозата е состојба кога ткивото што нормално расте во матката почнува да расте и надвор од матката. Во најголем број случаи, ова ткиво се јавува околу органите во делот на карлицата.
Ткивото кај ендометриозата се однесува како и ткивото во внатрешноста на матката: расте и се одвојува со секој циклус. Кај ендометриозата, ова ткиво нема каде да излезе од телото и може да предизвика големи болки и да доведе до други компликации, вклучително и стерилитет.
Поминавме долг пат до кршењето на културното табу поврзано со циклусите, но состојбата која е поврзана со репродуктивното здравје и плодноста е нешто што предизвикува контроверзии. Оваа состојба често тешко да се дијагностицира па пациентките трпат болка со години. Ендометриозата може да се појави со првата менструација па затоа е нормално жените да имаат големи болки. Втората причина е дека ендометриозата и болките се јавуваат во исто време со циклусот, така што жените се тешат дека за болките е виновна менструацијата.
Симптомите на ендометриозата се јавуваат пред 30-годишна возраст и може да вклучуваат: обилни менструации, болни грчеви, болка за време на сексуалниот однос, болни движења на цревата и уринирање, болки во стомакот и долниот дел на грбот што траат во текот на целиот циклус и тешкотии во зачнувањето. Ако забележите некои од симптомите, посетете лекар.
Сè уште не е јасно зошто се јавува ендометриоза, но производството на естроген, гените и имунолошкиот систем играат голема улога во тоа. Постојат докази дека ендометриозата може да се пренесе од генерација на генерација. Ендометриозата може да се појави и подоцна во животот. Голем број од оние кои имаат дијагноза можат да бидат лекувани со лапароскопска операција.
Стерилитетот е честа компликација кај ендометриозата и може да предизвика многу стрес. Тоа може да се спречи ако навреме се започне со лекувањето. Важно е да ги препознаете симптомите и навреме да се јавите кај лекар за да почне лекувањето.
