Седницата на Собранието на Република Северна Македонија на која на дневен ред е предлогот за избор на членови на Владата, е закажана за среда во 11 часот. На истата 103. седница е и предлогот за разрешување на министрите кои ќе бидат сменети.
Предлогот за избор на нови министри во Владата, премиерот Зоран Заев го достави денеска до претседателот на Собранието Талат Џафери. Трајан Димковски е предложен за нов министер за земјоделство, Насер Нуредини за животна средина и просторно планирање, Хусни Исмаили за култура, Горан Милевски за локална самоуправа и Садула Дураки за политички систем и односи меѓу заедниците. Обврската министер за финансии ќе ја преземе лично премиерот, кој, како што кажа порано, денеска, ќе ја извршува оваа функцијата во определен период заедно со функцијата претседател на Владата.
