Антикорупциската комисија на денешната седница отвори предмет за именувањата во АРМ од страна на претседателот Ѓорге Иванов. Станува збор за шестте укази кој тој ги потпиша и прати во Службен весник откако беа распишани претседателските избори.
Антикорупционерите одлучија да побараат документација од претседателскиот кабинет и од Министерството за одбрана за да испитаат дали се спорни унапредувањата.
Претседателот Иванов неодамна со укази ги назначи поранешниот аѓутант Мирче Ѓорговски за воен претставник во седиштето на НАТО, полковник Маријо Јуришиќ за воено аташе во Франција, началникот на ГШ Васко Ѓурчиновски го унапреди во генерал-потполковник, Драган Ковачки стана командант на Првата механизирана пешадиска бригада, а Бесник Емини началник на штаб во Здружената оперативна команда.
