Премиерот Зоран Заев денеска изјави дека е сѐ уште рано да се зборува за реконструкција на Владата и оти прво треба да бидат завршени разговорите за зголемување на парламентарното мнозинство.
– Не сме дошле до таму. Јас реков дека до крајот на месецов ќе разговараме за зголемување на парламентарното мнозиснство. Ред е прво да видиме за колку ќе порасне и ако порасне тоа парламентарно мнозинство. Согласно тоа, како следна фаза би биле комбинаториките околу кадровските и персоналните решенија. Навистина сѐ уште е рано за тоа – рече Заев одговарајќи на новинарско прашање по завршување на денешното рочиште за „Поткуп“.
