Првата жртва на поплавите во Србија е 60-годишник, кој исчезнал во вторникот вечерта, а чие тело е пронајдено денеска, пренесуваат српските медиуми.
Потрагата за несреќникот, кој последен пат е виден на трактор, почнала веднаш по пријавата, а се приклучиле и припадници на Министерството за внатрешни работи, Секторот за вонредни ситуации, но и доброволци.
По 13 и пол часа најдено е местото каде се наоѓал тракторот, но потрагата била отежната поради калта и тињата.
Вчера повторно се барало, но условите пак ја отежнувале работата.
Потрагата била продолжена денеска во 11 часот.
ФОТО: Курир.рс
