Нина Ангеловска, која власта ја предлага за министер за финансии, е сопственик на фирмата Декодикс ДОО која е добитник на грант од 20 милиони денари од Фондот за иновации, тврди пратеничката на ВМРО-ДПМНЕ, Лилјана Затуровска.
Фирмата Декодикс ДОО е позната по тоа што за време на скандалозната распределба на грантови од Фондот за иновации беше обелоденето дека еден од нејзините сопственици беше и Христина Керкез, снаата на Цветанка Ласкова, која потоа побара изземање од сопственичката структура, што беше потврдено и од директорот Јован Деспотовски.
