Со сослушување на четворица пратеници како сведоци заврши денешното судско рочиште за случајот со 27 април.
Судењето почна цо 10 часот утрово, а сведочеа Енес Ибрахим, Катерина Кузмановска и Хари Локвенец, како и Петар Атанасов кој тогаш беше пратеник, а сега е заменик министер за образование и наука.
Судењето за овој предмет ќе продолжи на 19 септември кога во судница ќе се слушнат сведочењата на уште двајца пратеници: Ферид Мухиќ и Курто Дудуш. Ќе сведочи и една новинарка.
Сите досега сослушани сведоци се по предлог на обвинителството кое предложило вкупно 36 од кои еден е загрозен.
