Празникот Успение на пресвета Богородица со голем црковно – народен собир масовно се одбележа и во манастирскиот комплекс во Лешок, како и во цркви и манастири ширум земјата.
Одбележувањето во Лешок започна вчера рано наутро со света архирејска литургија со која чиноначалствуваше митрополитот на тетовско гостиварската епархија Г Јосиф.
Верниците ги посетуваа двата црковни храма во манастирскиот комплекс. Велат дека отсекогаш на празникот У спение на пресвета Богородица било масовно во Лешок, само што, за разлика од минатото, сега е малку сменета традицијата на чествувањето.
Празникот Успение на пресвета Богородица е домашна слава на голем број православни семејства од тетовско.
