Министерството за правда ќе ги послуша препораките од Венецијанската комисија за новиот Закон за употреба на јазици, која според нацрт заклучоците го критикува законот, пред сѐ, во насока на функционирањето на судскиот систем.
– Мислењето на експертите на Венецијанската комисија и класифицирано сѐ до неговото усвојување од комисијата кога станува официјално. До неговото официјализирање нема да го коментираме, а штом ќе биде усвоено ќе го почнеме процесот на имплементирање на препораките содржани во него – велат од Министерството за правда.
Плусинфо вчера ексклузивно објави дел од оценките во нацртот на Заклучоците на Венеицијанската комисија, што официјално ќе се објават на 17 октомври. Тој е подготвен на 27 септември годинава.
Според документот што го поседува Плусинфо, драфтираните заклучоци на Венецијанската комисија се силна критика за Законот за јазиците и тие, на некој начин, препорачуваат детално да се простудираат причините поради кои е сменет законот од 2008 година и причините за недостатоците во спроведувањето на тој закон. На 17 октомврии ќе биде познато дали оваа верзија на заклучоците на Венецијанската комисија ќе се официјализира и што тоа ќе значи за иднината на овој закон.
Заклучоците и препораките можете да ги прочитате ТУКА.
