Министерството за правда смета дека е несериозно да се бара изготвување нов текст на Закон за Јавното обвинителство, бидејќи работната група го подготвуваше текстот повеќе од две години, а една година има откога се започнати преговорите за ова законско решение.
-Денеска продолжуваат консултациите со пратеничките групи околу Предлог – законот за јавното обвинителство. Министерството за правда потенцира дека е несериозно да се бара изготвување на нов текст на Закон за Јавното обвинителство, бидејќи работната група го подготвуваше текстот повеќе од две години, а една година има откога се започнати преговорите за овој закон, се наведува во соопштението од Министерството.
Законот за Jавно обвинителство, како што е наведено во соопштението, се изготвуваше долг временски период во Министерството за правда, од работна група во која што учествуваа домашни експерти, научната јавност, јавни обвинители, но исто така и странски експерти и дури странски јавни обвинители коишто даваат сугестии и мислења за одредени пршања поврзани со Законот.
-Законот е сѐ уште на маса и доколку ВМРО-ДПМНЕ сака да учествува во процесот, ги повикуваме да подготват амандмани на овој текст – се останато е алиби за недонесување на законот и избегнување на правдата, велат од Министерството за правда.
