Романскиот министер за внатрешни работи Николае Мога денеска најави дека ќе поднесе оставка по убиствaтa на две тинејџерки што ги налутија Романците поради наводно несовесно постапување на полицијата.
Мога по разговорот со премиерката Вјорика Данчила изјави дека се повлекува, само шест дена откако стапи на должност. Тој истакна дека на неговата одлука треба да се гледа како на нов почеток за Министерството за внатрешни работи.
Неодамнешното убиство на Александра Макесана (15) предизвика бес кај јавноста бидејќи полицијата правовремено не реагирала на нејзините телефонски повици дека е киднапирана.
Полицијата имаше проблеми да ја лоцира девојката, бидејќи користела погрешна технологија, а барала и непотребни налози за претрес, а по 19 часот ја пронашла куќата на мажот кој ја киднапирал.
Исто така е откриено дека истиот маж убил и 18-годишна девојка, која исчезнала во април годинава.
