Зад Ирина Шаjк се неколку тешки недели по раскинувањето со холивудскиот актер и режисер Бредли Купер, но 33-годишната убавица штотуку е именувана за најдобар модел на костими за капење во светот, пред Алесандра Амбросио и Емили Ратајковски.
Откриено е дека Ирина заработува до 60.000 фунти по објава на Инстаграм, каде што ги рекламира брендовите како што се Луј Витон и култниот бренд на костими за капење Хунза Г, пренесува „Сан“.
Мајката на двегодишната Леа се наjде на врвот на овогодинашната листа Кралица на костими за капење, која ја составила компанијата за производство за долна облека и костими за капење „Блубела“ и која проценила колку ѕвездите имаат влијание на социјалните мрежи.
Алесандра Амбросио (38), се најде веднаш зад Ирина Шаjк. Бразилската убавица просечно добива околу 150.000 лајкови по објава на Инстаграм, а на почетокот на годинава покрена и свој бренд на костими за капење ГАЛ Флорипа.
Емили Ратајковски со 23,3 милиони следбеници на Инстаграм е трета на листата. И покрај тоа што добива речиси просечно по 2 милиони лајкови по објава, за манекенката не сметаат дека има толкаво влијание, бидејќи голем дел од нејзините следбеници се мажи.
По првите три на листата се најдоа и моделките Ешли Греам, Кендис Свонепул,
Рози Хантингтон – Вајтли, Џасмин Тукс, Лаис Рибеиро, Нина Агдал и Лупе Фуентес.
FOTO: Instagram/Printskrin
