Мотоциклист почина вчера како последица на сообраќајна несреќа што се случила околу 17.45 часот на магистралниот пат Битола-Ресен.
Полицијата соопшти дека вчера околу 17.45 часот на магистралниот пат Битола – Ресен, се случила сообраќајна незгода помеѓу патничко моторно возило „Митцибуши Пајеро“ со битолски регистарски ознаки управувано од Џ.Ј.(44) од Битола и моторцикл „Хонда“ исто така со битолски регистарски ознаки управуван од Б.А.(35) од село, Мојно, битолско.
По незгодата мотоциклистот со возило на Итна медицинска помош е пренесен во Клиничка болница Битола каде починал.
Извршен е увид на местото на настанот.
