Поранешниот главен извршен директор во „Т-мобиле“, Жарко Луковски починал попладнево во болница како последица на мозочен удар кој го доживеал вчера.
Луковски беше на највисоки раководни позиции во компанијата од 2006 година. Во 2010 година назначен е за главен извршен директор на Т-Мобиле Македонија, а во 2015 за главен оперативен директор на македонски телеком.
Во последните години се споменуваше во јавноста како еден од вмешаните во контроверзната оф-шор фирма Ексико.
Името на Луковски се споменуваше и во аферата „Рекет” како еден од бизнисмените на кои им бил изнуден рекет.
