Едно лице починало во тешката сообраќајна несреќа која се случи попладнево на скопската обиколница, а неофицијално четири лица се повредени и се хоспитализирани , пренесе Вечер.
Несреќата се случила кога полицаец, кој вршел редовна контрола, го кренал знакот СТОП за да стопира автомобил марка „БМВ“. Автомобилот почнал нагло да кочи поради што во него удрил шлепер, што бил одзади. По силниот удар автомобилот удрил дирекно во полициското јети, по што се запалил.
Меѓу повредените има и полицајци.
Увидот на местото на несреќата сѐ уште трае.
