Во Хрватска е регистриран првиот случај на заболен со корона вирус, соопшти денеска премиерот Андреј Пленковиќ. Станува збор за помлад пациент кој престојувал во Милано и кој со благи симптоми е хоспитализиран во загрепската клиника „Фран Мијаљевиќ“.
– Ги добивме резултатите од тестовите на хрватскиот државјанин кој престојувал во Милано во периодот од 19 до 21 февруари. Тој покажува поблаги знаци на болеста, ги преземаме сите мерки на претпазливост. Ќе се концентрираме на контактите коишто ги има остварено – изјави хрватскиот министер за здравство, Вили Берош.
ФОТО: EPA / JULIEN WARNAND
