Магазинот „Historic Photographs“ ја објави последната фотографија од научникот Никола Тесла. Како што е наведено во објавата, станува збор за фотографија направена на 1 јануари 1943 година.
Тесла е српски научник, истражувач и пронаоѓач на полето на електротехниката и радиотехниката, познат е како татко на наизменичната струја и бројни футуристички пронајдоци.
Роден е во Смилјан, Австро-Унгарија, Србин по потекло, кој подоцна добил американско државјанство. Тесла е најпознат по своите револуционерни откритија во областа на електромагнетизмот кон крајот на 19 и почетокот на 20 век. Патентите на Тесла и неговата теориска работа стануваат основа за формирањето на целокупниот систем на наизменичната струја, вклучувајќи го и конструирањето на полифазните системи (поточно трофазните), како и на индукциониот мотор, со кој се претвора во предводник на Втората индустриска револуција.
