Осумдесет и тригодишна жена е повредена во сообраќајната несреќа во која учествувала полициската придружба, која ги следела принцот Вилијам и Кејт Мидлтон на нивниот пат од Лондон за Виндзор.
Кралскиот пар ѝ посакал брзо закрепнување на Ајрин Мејор која е сериозно повредена, откако во неа удрил еден полициски мотор.
Таа веднаш по сударот била префрлена во болница и е во критична состојба.
Од Кенсингтонската палата соопштуваат дека Кејт и Вилијам на повредената жена ѝ посакале брзо закрепнување и дека ќе останат во контакт со нејзиното семејство, а ѝ пратиле и цвеќе.
– Истрагата е во тек. Таа сè уште е во почетна фаза и се обидуваме да најдеме што повеќе сведоци – изјави портпаролот на полицијата.
