Дипломати од ЕУ се сомневаат дека Емануел Макрон го користи прашањето за проширување за да добие отстапка на други полиња, пишува угледниот весник „Политико“ во денешната анализа за случувањата околу Самитот на лидерите во ЕУ.
„Но, на заедничката прес-конференција со Меркел во францускиот град Тулуз, Макрон инсистираше на тоа дека се потребни фундаментални реформи на процесот на преговори. Тој јасно даде до знаење дека не може да прифати преговори со Албанија во оваа фаза, но се чинеше дека остави простор за маневар со С.Македонија“, пишува во анализата.
„Политико“ посочува и дека Париз имал неколку сојузници во блокадата за Албанија, но дека во блокирањето на Македонија владата на Макрон „стоела“ сама.
Критичарите на Франција, се наведува во анализата, тврдат дека Франција на со ваквото однесување ризикува да ја врати дестабилизацијата на Балканот и да ги зајакне позициите на ривалските сили на ЕУ во овој регион.
„Критичарите тврдат и дека особено С.Македонија ги исполнила сите тешки услови поставени од ЕУ, вклучително и решавањето на спорот со Грција, па неотворањето на преговори со Скопје сега лошо ќе се одрази на кредибилитетот на Унијата“, пишува „Политико“.
Photo: EPA / ANDREJ CUKIC
