На граничниот премин Градина припадници на Царинската управа на Србија откриле 70.000 непријавени евра, соопштија денеска од управата, пренесе српски „Курир“.
Настанот се случил на 12 декември кога, на редот за контрола за излез од земјата стигнал автомобил „бмв“ со германски регистарски ознаки.
Во него патувале двајца германски државјани со турско потекло, а тие изјавиле дека немаат ништо да пријават на граничната контрола, вклучувајќи и пари.
Но, во појас под градникот на една од двајцата патници, цариниците пронашле 70.000 евра. Привремено, до завршувањето на прекршочната постапка задржана е сума од 50.000 евра, откако претходно на патниците им се вратени по 10.000 евра, колкушто без пријавување е дозволено да се пренесат преку граница.
