Со потешки телесни повреди, скршеница на десната рака, поминала Б.В.(72) од Тетово откако во 16.50 часот била удрена од автомобил „ровер“ со гостиварски таблици што го управувал засега непознато лице и кое веднаш по сообраќајката избегало. Повредената тетовка веднаш била префрлена во Клиничката болница во градот каде и била констатирана скршеница на десната рака и пружена соодветна лекарска помош. Увид на местото на несреќата извршила екипа на СВР Тетово. Се работи на откривање на идентитетот на возачот и негово пронаоѓање.
Другата сообраќајна несреќа со повреден пешак се случила два часа подоца во 18.50 часот на крстосницата од улиците Ѓоце Стојчески и ЈНА при што С.Х.(36) од Тетово управувајќи БМВ удрила во 11-годишно дете од Сиричино. Поврденото дете било пренесено во тетовската клиничка болница и по укажаната лекарска помош било пуштено на домашно лекување. Полицијата по извршениот увид работи на расчистување на причините и другите поединости за сообраќајката.
