Силниот ветер кој од вчера дува во Загреб уривал стебла, рекламни паноа, покриви и делови од фасади. Градските служби имале повеќеод 700 интервенции, а пет лица се повредени.
Улиците на Загреб се полни од скршени гранки. Имало и проблеми во градскиот превоз.
Имало и скршени семафори, итната служба и противпожарната интервенирале цел ден, а полицијата ги предупреди граѓаните да не излегуваат ако не мораат.
Ударите од ветер биле околу 70 километри на час.
Државниот хидрометеоролошки завод издал предупредувања за речиси цела земја поради можност од силен ветер и екстремно количество на врнежи.
